Coroa de Nadal

 

Por que se colocan coroas e grilandas na porta principal das casas durante o Nadal?

Segundo Desmond Morris,   escritor dun  libro que recolle a historia de moitas tradicións do Nadal,  a orixe da   grilanda que colgan na parte exterior da porta de entrada da súa casa moitas persoas, naceu na antiga Roma.

Os romanos intercambiabanse agasallos nas  celebracións do Aninovo,  entre o 31 de decembro e o 4 de xaneiro.  A gama de agasallos era ampla, pero orixinalmente consistía en ramas de “evergreens” (sempreverdes) que se chamaban “strenae” en homenaxe a Strenia, deusa da saúde. 

Usábanse as árbores chamadas coníferas (como os piñeiros, cedros, cipreses e abetos) porque resisten á dureza do inverno sen perder as súas follas, por iso denomínanse « sempreverdes» ( evergreen, en inglés).

 A forma de anel das grilandas para os romanos significaba a esperanza de que todo o ano reinase saúde no fogar.

QUEREDES SABER MÁIS SOBRE OS ROMANOS?