Rogelio Santos, o mariñeiro que ensina a coidar a costa galega

 Que imos facer mañá na sesión conxunta? Por unha banda, falaremos da enquisa que tedes no voso usuario de LiveWorkSheets.

Por outra banda, imos escoitar a xente do mar e en concreto coñeceremos a un mariñeiro galego  que triunfa “navegando” dentro e fóra da web grazas ás súas fotografías, vídeos e reflexións sobre a importancia do mar e o seu necesario coidado.

 O respecto á veda e a sabedoría de alguén que leva máis de 25 anos no mar son as claves que lle converteron nunha pequena estrela mediática. Pero quen hai detrás deste mariñeiro influencer? Mañá o descubrimos.

A mensaxe do mar, una ficha interactiva de sara_prof
liveworksheets.com

E se da tempo, un xogo

 

Vídeos sen verbas para traballar a expresión oral

Encántanme os vídeos curtos, debuxos animados ou aqueles que nos fan imaxinar, facer suposicións e téñennos enganchados ata o último segundo. 

 Como imos  traballar cos vídeos?

1) Conectámonos á ligazón de meet que vos enviarei cando empece a clase 

2) Veremos o vídeo todos xuntos

3) Falaremos constantemente de como senten as persoaxes, expresións faciais, emocións que nos veñen á cabeza vendo o vídeo, vocabulario… 

4) Pensade que cada persoa pode facer unha interpretación diferente do vídeo xa que as curtametraxes que imos ver non teñen diálogo. É probabel tamén que cada un vexa cousas diferentes ou preste atención a detalles distintos.Cadaquén pensa e discorre ao seu modo e é xenial respectar a opinión de todos nós. Parécevos? 

Espero que o pasedes xenial nesta clase de galego.