A CRTVG emitirá de luns a venres, pola G2, un bloque educativo para apoiar os estudantes galegos

A páxina da CRTVG ofrece un bloque educativo que emite a G2 como apoio aos estudantes galegos mentres os centros escolares permanecen pechados e atendendo ás restricións para loitar contra o coronavirus.

En colaboración coa Consellería de Educación, Universidade e Formación Profesional, a iniciativa arranca cunha variada oferta de programas en áreas tan diversas coma a xeoloxía, a historia, a experimentación ou o mundo animal, e que se irá ampliando con achegas do sistema educativo galego

A Televisión de Galicia vai emitir entre as 11.00 e as 13.00 horas, de luns a venres e pola súa segunda canle, a G2, un bloque de programación educativa.

PROGRAMA “Xeoclip”: ALUMNADO DE SECUNDARIA E BACHARELATO

Deste xeito, divulgarase o programa “Xeoclip”, creado por docentes e no que se abordan temas incluídos nos currículos de Xeoloxía e Bioloxía e de Xeografía e Historia. Trátase dun espazo destinado especialmente a alumnado de Secundaria e de Bacharelato, que explica de maneira sinxela e atractiva o que agocha a xeoloxía galega e permite ademais descubrir a riqueza paisaxística da Comunidade.


PROGRAMA “Aquelando tamén quedamos na casa”: DIVULGACIÓN CIENTÍFICA

Con el PROGRAMA “Aquelando tamén quedamos na casa” búscase que a rapazada aprenda de xeito entretido, con explicacións, experimentos e trucos nos que se manexan conceptos e ideas de todas as materias que se poden atopar nos diferentes ciclos educativos.

SERIES CLÁSICAS: HISTORIA

Os pequenos poderán gozar tamén das clásicas series divulgativas de animación como “Era unha vez... o home” e “Era unha vez... os exploradores”, creadas por Albert Barillé e nas que se aborda a historia da humanidade e dos grandes descubrimentos xeográficos.

PROGRAMA  “Criaturas”: COÑECEMENTO DO MEDIO

Pola súa banda, o programa “Criaturas”, achegaralle ao público máis novo o medio natural e os animais desde diversas perspectivas, como a relación das persoas coas súas mascotas, as curiosidades dos animais, doenzas ou o labor que desenvolven os veterinarios, entre outras