Este xogo, deseñado por Matt Leacock, gañou xa varios premios internacionais 2011: Xogo do Ano en España 2010: Mensa Select Winner 2010: BoardGameGeek Golden Geek.O teu equipo terá que colaborar e manter a calma mentres se enfronta a situacións trepidantes. Porque a illa estase afundindo a cada paso! ¡Apresúrate, reune os tesouros e fai un escape triunfal antes de que sexas engullido polas augas abisales!
SEN TABOLEIRO:
O xogo non usa un taboleiro fixo senón que en cada partida teremos que colocar, ao azar, as 24 losetas que forman a Illa. Cada unha destas losetas representa unha localización da Illa (o Observatorio, o Bosque Carmesí, a Roca da Pantasma, o Xardín dos Susurros, etc) por onde os aventureiros/as poderán moverse. Nalgunhas destas localizacións están escondidos os tesouros que buscamos.
MECÁNICA DO XOGO:
Ao principio da partida construiremos a nosa Illa dispoñendo as losetas
sobre a mesa. A continuación, barallamos e colocamos ao carón o mazo coas
cartas de Inundación.
As cartas de Inundación: hai
unha carta por cada unha das losetas da Illa. Úsanse para saber que zonas van
desaparecendo baixo as augas. Cada vez que roubemos unha carta de inundación
estaremos obrigados a virar a loseta correspondente á que fai referencia a
carta e deixar visible a súa cara inundada. Si unha loseta xa estaba inundada,
en lugar de volver virala retirarémola da partida.
Ao comezar roubaranse 6 cartas de Inundación, polo que colocaremos as
correspondentes losetas polo seu lado inundado.
Persoaxes: A continuación repártese ao azar un personaxe a cada un dos/as xogadores.
Cada un dos personaxes ten unha habilidade que nos axudará a conseguir o noso
obxectivo. Por exemplo, o Explorador/a pode moverse en diagonal, o Enxeñeiro/a pode
asegurar 2 losetas con só 1 acción, o Mensaxeiro/a pode entregar cartas aos seus
compañeiros/as sen a necesidade de estar na mesma loseta, etc.
O próximo paso é barallar o outro mazo de cartas do xogo (o mazo dos Tesouros)
e repartir 2 cartas a cada un dos xogadores.
As cartas de Tesouros: aínda
que a maioría das cartas de tesouro representan a un dos 4 tesouros que
buscamos na illa (O Cristal do Lume, a Estatua do Vento, o Cáliz do Océano e a
Pedra da Terra), no mazo tamén podemos atopar algunhas cartas de axuda (as
cartas de Ascenso en Helicóptero e as de Sacos Terreros), ademais das temidas
cartas de ¡As augas soben!). As cartas de Tesouro de cada xogador son visibles
para todo o mundo durante toda a partida.
Tamén deberemos colocar o indicador do Nivel de Auga na dificultade escolleita. O indicador do Nivel de
Auga determina o número de cartas de Inundación que deben roubar os/as xogadores
cada quenda. Comézase tomando 2 cartas pero, conforme vaian aparecendo ¡As augas
soben!, iremos roubando cada vez máis cartas por quenda (o que quere dicir que
a Illa irase afundindo cada vez máis rápido).
PASOS
Na súa quenda, cada xogador/a executa os seguintes pasos en orde:
a) Leva a cabo un máximo de 3 accións. As accións dispoñibles son Mover
(a unha loseta adxacente), Asegurar a loseta onde esté o xogador/a ou algunha
adxacente (isto quere dicir: virar de novo unha loseta inundada para que mostre
a súa cara normal),
b) Entregar cartas de Tesouro (a outro xogador/a que se atope na mesma
loseta que nós) ou Recuperar un tesouro (descartándose de 4 cartas iguais do
Tesouro que se está recuperando cando o xogador/a está na loseta adecuada).
c) Rouba 2 cartas do mazo de Tesouros. Cando roubemos cartas do mazo de
Tesouros é posible que collamos algunha carta de ¡As augas soben!. Isto
obríganos a elevar o indicador do Nivel das Augas e a colocar todas as cartas
de Inundación que roubaramos anteriormente de novo sobre o mazo.
d) Rouba cartas de Inundación (a cantidade que nos indique o Nivel de
Auga). Cando se rouban cartas do mazo de Inundación simúlase o hundimiento no
océano da Illa. Por cada carta roubada, a loseta correspondente débese virar
(ou eliminar, si xa estivese virada anteriormente), polo que conforme avance a
partida e vaian despareciendo losetas, será máis complicado moverse pola Illa.
Ademais, as cartas de ¡As augas soben! devolverannos as cartas que xa saíron de
novo ao mazo, polo que as losetas inundadas desaparecerán a próxima vez que
roubemos a súa carta do mazo de Inundación.
EFECTO LÍDER
EFECTO LÍDER
Aínda que cada xogador/a ten a súa propia quenda, ao ser un xogo
cooperativo suponse que todos os/as aventureiros/as deben opinar e acordar a estratexia
en común.
Dependendo do grupo é relativamente fácil que un dos/as xogadores tome o papel de líder e dirixa ao resto. Isto pode converter a
partida nunha especie de solitario compartido onde só un xogador/a divírtese e o
resto simplemente fai o que manda o líder.
Para evitalo, nada mellor que tomar as decisións en grupo. E en caso
extremo recorrer ás votaciones á hora de escoller unha estratexia ou outra.
GAÑAR OU PERDER PERO SEMPRE PASALO BEN
Conséguese gañar o xogo cando os/as xogadores recuperan os 4
tesouros perdidos e escapan da Illa.
Cada tesouro pódese recuperar descartándose de 4 cartas
iguais cando o aventureiro/a está en determinadas losetas. Por exemplo, para
recuperar o Cáliz do Océano un xogador/a terase que descartar de 4 cartas co
debuxo do cáliz cando o seu aventureiro/a se atopa sobre un dos dous Palacios (o
Palacio de Coral ou o Palacio das Mareas).
Para escapar da Illa con vida e gañar a partida, todos os
aventureiros/as deben reunirse na loseta da Pista de Aterraxe e usar unha carta
de Ascenso en Helicóptero.
Aínda que a Pista de Aterraxe se inunde aínda poderemos
escapar antes de que desapareza
Pero a partida tamén pode terminar en derrota si desaparece
a Pista de Aterraxe; ou se afunden as dúas losetas onde se atopa algún
tesouro aínda non recuperado; ou si algún aventureiro/a afoga (porque se afunda
a loseta onde está e non pode nadar a ningunha adxacente); ou si o Nivel do
Auga sobe ata o máximo.
No hay comentarios:
Publicar un comentario