Na CiberCaixa Mallos celebramos o Samaín e Halloween facendo manualidades con material reciclado e plastilina.
Ademais os maiores de segundo ciclo de primaria e a ESO contarán historias de Samaín aos máis pequenos de infantil e primaria. Un dos obxectivos principais deste taller é coñecer a historia do Samaín e os diferentes costumes das zonas de Galicia, Asturias ou León.
Deixámosvos algúns apuntamentos sobre este tema e lembrade que a noite de Samaín non se pode abrir a porta a ninguén porque os espíritos bos e malos roldan as casas. ;-)
O reencontro de vivos e mortos: Os celtas
O 31 de outubro, os celtas celebraban a festa do Samaín, unha data elixida como "día de transición" entre o verán e a estación sombría, o inverno. A festividade coincidía coa redución progresiva de horas de luz, e servía para festexar o fin da tempada de colleita.
Durante este día, os pobos celtas crían que a fronteira entre os vivos e os mortos diluíase, polo que espíritos, benévolos ou malignos, podían regresar ao mundo. Para escorrentar aos segundos, utilizaban traxes e máscaras que lembran aos disfraces que utilizarán moitos durante a noite de Halloween, ademais de ofrecer ofrendas aos defuntos. Unha idea similar á que tiñan os pobos indíxenas de Latinoamérica para celebrar o reencontro entre os vivos e os mortos en datas sinaladas como esta.
Os magostos, magüestus ou castanyadas
O Samaín séguese celebrando en moitos pobos de Galicia,
Asturias ou León. Estes días, por exemplos, moitos nenos na zona pontevedresa
de Arousa sairán a pedir o aguinaldo, un costume similar á popular fórmula
anglosaxoa do "truco ou trato". Na conca mineira asturiana, pola
contra, a sidra doce acompañará a festa celta para honrar aos defuntos; mentres
que en moitos pobos do Bierzo organizaranse magostos para asar castañas, como é
tradicional durante o outono.
Os magostos, magüestus ou castanyadas, en función da rexión
na que nos atopemos, contan cunha relación crave nos pobos celtas, que crían
que por cada castaña consumida, liberábase unha alma. Así, ao redor do lume
reúnense aínda familias e amigos para asar estes froitos á calor do lume. Sexa
como for, o Samaín celta -tamén coñecido como Samhaín- realizou unha viaxe de
ida e volta desde territorios europeos ata Norteamérica para regresar de novo
nos nosos días.XOGOS ONLINE
Non vos perdades estes LIM sobre Samaín
No hay comentarios:
Publicar un comentario