Sabiades que para elixir as mascotas dos Xogos Olímpicos de Xapón que se están celebrando na actualidade organizouse un concurso público no que participaron máis de 2000 propostas? O comité terminou seleccionando tres opcións finalistas e confiou a elección a unha votación entre estudantes xaponeses de primaria.
Como sabedes todas as olimpíadas están separadas en 2 edicións:
- As olimpíadas onde participan todo tipo de atletas
- As Paraolimpadas para atletas con discapacidades físicas, mentais ou sensoriais.
- Miraitowa
- Someity
Miraitowa
Miraitowa é a mascota dos Xogos Olímpicos de Tokio 2020, é un personaxe que personifica tanto o tradicional como o moderno.5 CARACTERÍSTICAS de Miraitowa.
- A mascota ten un encanto anticuado que reflicte a tradición e tamén ten un toque de alta tecnoloxía e vangarda.
- Miraitowa é de cor Ai (azul añil), que provén dos estampados Ichimatsu e é un tributo á mestura da tradición e da innovación da cultura xaponesa.
- Miraitowa ten un forte sentido da xustiza e é moi atlético.
- A personalidade de Miraitowa está inspirada polo proverbio xaponés “Aprende do pasado e desenvolve novas ideas”.
- Miraitowa é unha mascota alegre, atlética e conta cun gran sentido de integridade. Ten o superpoder de transportarse instantaneamente a calquera lugar que el queira.
A orixe do nome Miraitowa.
O nome Miraitowa provén das palabras xaponesas mirai, que significa futuro, e towa, que é eternidade. Así, representa o desexo de que os Xogos Olímpicos de Tokio 2020 conducirán a un futuro de esperanza eterna nos corazóns de todo o mundo.
Someity
Someity é a mascota dos Xogos Paralímpicos de Tokio 2020
5 Características Someity
- É un personaxe xenial cun poder sobrenatural, ademais conta con sensores táctiles. Someity pode utilizar estes sensores, que se atopan en cada lado da súa cara, para enviar e recibir mensaxes telepáticamente.
- Esta mascota está capacitada para voar utilizando a súa capa co estampado Ichimatsu e mover obxectos sen tocalos.
- Someity adoita estar acougada, con todo, vólvese moi poderosa cando é necesario. Ten unha forza interior digna e un corazón amable que ama a natureza. Pode falar con pedras e o vento.
- Someity ten unha personalidade tranquila, grazas á súa gran forza interior, pero pode facer gala duns superpoderes que encarnan a dureza e a determinación dos deportistas Paralímpicos.
A orixe do nome Someity.
O nome Someity vén dun tipo de flor de cerdeira chamada Someiyoshino e combínase coa expresión en inglés so mighty (moi poderoso). Someity é capaz de mostrar unha gran forza mental e física, que representa ao atleta Paralímpico que superou obstáculos e redefiniu os límites do posible.
Mais información sobre as olimpíadas: https://www.nytimes.com/es/2021/04/10/espanol/olimpiadas-de-tokio.html
AGORA imos coñeceros textos descritivos.
Texto descritivo, an interactive worksheet by sara_prof
liveworksheets.com
liveworksheets.com
Texto descritivo, an interactive worksheet by sara_prof
liveworksheets.com
liveworksheets.com
