Repasamos Galego: "Regálame unha palabra en galego"

Rapaces-rapazas, ás veces, cando nos mudamos a outro lugar, aprendemos cousas novas e adaptámonos a diferentes costumes. Na Coruña, onde vivimos agora, hai unha lingua que é moi importante: o galego. É como o castelán, pero ten palabras e sons propios. O galego é a lingua de moitas persoas que viven aquí, e aínda que o castelán se fala en todo o país, saber galego pode axudarvos a entender mellor á xente, ler os carteis e sentírvos máis conectados coa cultura local.


Aprender galego non significa deixar de falar castelán nin esquecer outras linguas, como o quechua, o guaraní ou o castelán. Máis ben, é aprender algo novo que vos axudará a formar parte da vosa nova comunidade e da vida cotiá na Coruña. Ademais, o galego é unha lingua con moita historia, igual que o castelán, e é algo que a xente aquí coida e valora moito.

Así que, cando repasamos galego, non só estamos aprendendo palabras, senón tamén mostrando respecto pola cultura deste lugar. É unha forma de conectar con máis xente e de formar parte do lugar onde estamos vivindo agora. E quen sabe! Pode ser que vos guste e mesmo o atopedes divertido.

1️⃣ Os retos interactivos

Para empezar, faremos catro retos utilizando unhas fichas moi chulas en Liveworksheets. E

 RETO  1 

Repasamos Galego, an interactive worksheet by Fontinhas

liveworksheets.com

RETO 2 

Repasamos Lingua 1, an interactive worksheet by Fontinhas

liveworksheets.com

RETO 3

Repasamos a Lingua 2, an interactive worksheet by Fontinhas

liveworksheets.com

RETO 4 

Los príncipes del año, an interactive worksheet by Fontinhas
liveworksheets.com

2️⃣ Construímos un barquiño de papel 🚤

Despois de completar os retos, toca poñer a creatividade a traballar. Construiremos un barquiño de papel, como o que podedes ver no seguinte vídeo. Non vos preocupedes se non sae ben á primeira, iremos paso a paso e axudareivos.

---

3️⃣ Escribe a túa palabra en galego 🖊️

Unha vez teñamos os nosos barquiños listos, cada un escribirá nel unha palabra en galego. Podedes escoller unha palabra que vos guste, que vos pareza fermosa ou que signifique algo especial para vós.

Por exemplo:

• "lúa"
• "morriña"
• "ledicia"
• "agarimo"

Cando todos/as teñamos os barquiños preparados, faremos unha pequena exposición onde compartiremos as palabras que escollestes. Será moi bonito ver todas as palabras e barquiños xuntos!

---

O obxectivo da actividade 

Con esta actividade aprenderemos xogando, practicaremos galego e celebraremos o noso idioma. O galego é parte de nós e queremos que o desfrutedes facendo algo creativo e divertido.

💡 Non esquezades pensar na vosa palabra especial! Que palabra vas escoller para o teu barquiño?

Imos empezar! 🚀