O Mapa do tesouro

Hoxe colgamos novos mapas do tesouro no taboleiro da Cibercaixa Mallos para a súa observación durante todo o curso.

Inciamos esta dinámica chamada O Mapa do Tesouro  cun autorretrato que realizamos seguindo as ideas que nos deu Tim Burton

En que consiste?

Esta dinámica chamada o Mapa do Tesouro  axuda aos nenos e nenas a descubrir e concretar os seus soños, aspiracións e desexos de futuro, e ao mesmo tempo a compartilos cos demais. 

Trátase dunha actividade que serve para reflexionar sobre a importancia do que realmente un anhela, a forma de poder alcanzar os nosos obxectivos e como o programa TIENES TALENTO pode contribuír nesta tarefa. 

Pasos da actividade: 

1. Presentouse o material de traballo aos nenos e nenas  e coméntaselles que cada un deles vai debuxar individualmente o seu Mapa do tesouro. Cada tesouro representa un obxectivo que lles gustaría alcanzar no futuro (xa sexa material ou inmaterial). Limitamos o número de tesouros a 4 ou 5 como máximo. 

2. Como calquera outro mapa do tesouro, contén un punto de partida, que son eles mesmos. Por tanto, primeiro fixeron un «autorretrato» no centro do papel. 

3. Despois formularon  os seus desexos usando unha frase afirmativa e co verbo en presente; por exemplo:  Eu son mecánico de F1, Eu son cantante, etc.