Son un punto #ODSéate #Soy2030

Como todos os venres organizamos a nosa sesión conxunta de maiores (11 e 12 anos) na que a pedimento dunha das familias, falamos e escribimos  en galego.

Continuamos cos puntos e círculos  pero estes son moi diferentes aos de Yayoi Kusama como ides poder ver no seguinte vídeo:

 

Nunca pensei que unha historia  protagonizada por un grupo de puntos puidese emocionar tanto, aínda que quizais se deba a que son unha persoa sensibilizada co mundo que nos rodea, o da miseria, o do voluntariado,  o das riquezas mal repartidas e o do que mira só o seu propio embigo… 

Esta é  unha historia de dous mundos,  o dos pobres e o dos privilexiados e de como un deles, o dos pobres, pide auxilio. 

Finalmente, a solución que nos conta "Son un punto" radica en que os países privilexiados axuden a prosperar aos pobres: ensinándolles a pescar; axudándolles a facer hortos e  sobre todo cooperando xuntos nesa aprendizaxe. 

Nesta ocasión o que imos facer é analizar esta historia  "Son un punto" que relacionaremos cos Obxectivos de Desenvolvemento Sostible (ODS).

A axenda 2030 consiste nun plan de acción para as persoas, o planeta, a prosperidade, a paz e o traballo conxunto... Esta ambiciosa axenda proponse acabar coa pobreza de aquí a 2030 e promover unha prosperidade económica compartida, o desenvolvemento social e a protección ambiental para todos os países.

A Axenda 2030 comprométenos a todos, incluídos os centros educativos e os propios nenos e nenas. 

Con todo, hai miles e miles de xestos que están nas nosas mans para cambiar e lograr ser persoas solidarias, tolerantes e que constrúan unha sociedade inclusiva onde caibamos todos sen importar raza, cor, relixión ou a capacidade económica. 

Á fin e ao cabo todos compartimos dúas cousas fundamentais: A TERRA, QUE É O NOSO LUGAR DE RESIDENCIA E A CONDICIÓN DE SERES HUMANOS. 

E aquí está a actividade escrita que ides facer: 

Soy un punto, an interactive worksheet by sara_prof
liveworksheets.com